اسلام آباد: نئی وفاقی کابینہ کی تشکیل کے لیے مشاورت کا عمل جاری ہے، وفاقی کابینہ کی تشکیل جمعرات کو کیے جانے کا امکان ہے، پارٹی کی سینئر قیادت کابینہ کا حصہ ہوگی۔مسلم لیگ ن کی جانب سے وفاقی کابینہ کی تشکیل پر مشاورت جاری ہے۔ ذرائع نے بتایا ہے کہ اسحاق ڈار کو وزیر خزانہ بنانے پر غور جاری ہے، سیکرٹری مذہبی امور سردار یوسف اور سیکرٹری آئی ٹی انوشہ رحمان کو ملنے کا امکان ہے۔
اسی طرح عطا اللہ تاڑ کو وزیر اطلاعات، احسن اقبال کو وزیر داخلہ یا منصوبہ بندی اور خواجہ آصف کو وزارت دفاع کا قلمدان دیئے جانے کا امکان ہے۔
ذرائع کے مطابق اسحاق ڈار کو کوئی اور اہم عہدہ ملا تو کسی نجی بینک کے سربراہ کو مالیاتی مشیر مقرر کیا جائے گا۔ وزیراعظم شہباز شریف نے مسلم لیگ ن اور اتحادی جماعتوں کو عشائیہ پر مدعو کیا ہے۔ ذرائع کے مطابق شہباز شریف جمعرات کو تمام اتحادیوں کے اعزاز میں عشائیہ دیں گے۔ مسلم لیگ ن اور تمام اتحادی پارلیمانی جماعتوں کو وزیراعظم ہاس میں عشائیہ دیا جائے گا۔
