اسلام آباد (نیوزڈیسک) محکمہ موسمیات کے مطابق اتوار کے روز ملک کے بیشتر علاقوں میں موسم سرد اورخشک جبکہ بالائی علاقوں میں شدید سرد اور مطلع ابر آلود رہنے کا امکان ہے۔ رپورٹ کے مطابق رات یا صبح کے اوقات میں پنجاب، بالائی سندھ اور خیبر پختونخوا کے میدانی علا قوں میں دُھند چھائے رہنے کی توقع ہے۔ محکمہ موسمیات کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ پنجاب کے بعض مقامات پر درمیانی سے شدید دُھند چھائی رہی، آج ریکارڈ کئے گئے کم سے کم درجہ حرارت میں لہہ منفی13 ، سکردو منفی 11، گوپس میں منفی 9 ڈگری سینٹی گریڈ رہا۔ گلگت، دیر میں منفی 8، استور منفی 7، قلات، بگروٹ منفی 6، کو ئٹہ، زیارت اور چترال میں درجہ حرارت منفی 5 ڈگری سینٹی گریڈ ریکارڈ کیا گیا۔
