نگران وزیراعظم انوار الحق کاکڑ نے باجوڑ میں پولیو ٹیم کی حفاظت پر مامور پولیس اہلکاروں پر دہشت گردوں کے حملے کی شدید مذمت کی ہے۔ نگراں وزیراعظم نے دہشت گرد حملے میں شہید پولیس اہلکاروں کے لیے دعا کی اور ان کے اہل خانہ سے اظہار تعزیت کیا۔ انہوں نے حملے میں زخمی ہونے والوں کی جلد صحت یابی کی دعا بھی کی اور انہیں ہر ممکن طبی امداد فراہم کرنے کی ہدایت کی۔ اپنے بیان میں نگراں وزیراعظم نے کہا کہ پوری قوم سیکیورٹی اہلکاروں اور پولیو ورکرز کو سلام پیش کرتی ہے، دہشت گرد اپنے مذموم مقاصد میں کبھی کامیاب نہیں ہوں گے۔ نگراں وزیراعظم نے کہا کہ ملک سے پولیو وائرس کے مکمل خاتمے تک انسداد پولیو مہم بھرپور طریقے سے جاری رہے گی اور عوام پولیو ویکسین کے حوالے سے کسی منفی پروپیگنڈے کے جھانسے میں نہ آئیں۔ پروگرام کی توثیق کی ہے۔ واضح رہے کہ پیر 8 جنوری کی صبح خیبر پختونخوا کے شمالی ضلع باجوڑ میں پولیس کے ٹرک پر بم حملے میں 5 پولیس اہلکار ہلاک اور 22 زخمی ہوگئے تھے۔
