پاکستان اور بحرین کی مشترکہ مشق البدر 8 کا پبی میں انسداد دہشت گردی کے قومی مرکز میں افتتاح کر دیا گیا۔
سرکاری خبر رساں ایجنسی کے مطابق مشقوں میں پاک فوج اور بحرین نیشنل گارڈ کے دستے حصہ لے رہے ہیں۔
پاک فوج کے شعبہ تعلقات عامہ (آئی ایس پی آر)کے مطابق یہ پاکستان اور بحرین کے درمیان انسداد دہشت گردی کے شعبے میں ہونے والی سالانہ دوطرفہ مشق ہے۔ ڈائریکٹر جنرل ملٹری ٹریننگ افتتاحی تقریب کے مہمان خصوصی تھے۔
مشق کا مقصد برادر ممالک کے درمیان تاریخی فوجی تعلقات کو فائدہ پہنچانے کے علاوہ مشترکہ نفاذ اور تعاون کو فروغ دینا ہے۔
دونوں ممالک کی افواج ایک دوسرے کی مہارت اور تجربے سے فائدہ اٹھانے کے لیے مشق میں بڑھ چڑھ کر حصہ لے رہی ہیں۔
