اسلام آباد: نگراں وزیراعظم انوارالحق کاکڑ نے سوشل میڈیا پلیٹ فارمز پر انتخابی ڈیوٹی انجام دینے والے سرکاری ملازمین کی تصاویر اور ڈیٹا شیئر کرنے پر شدید ردعمل کا اظہار کرتے ہوئے انہیں سخت سزا دینے کا عندیہ بھی دیا ہے۔
ایک بیان میں انوارالحق کاکڑ نے کہا کہ پاکستانی عوام نے 8 فروری کو واضح مینڈیٹ دیا تھا لیکن کچھ عناصر سوشل میڈیا کا استعمال کرتے ہوئے سرکاری ملازمین پر دبا ڈال رہے ہیں اور انہیں بلیک میل کر رہے ہیں۔
انوار الحق کاکڑ نے کہا کہ ریاست سے وفاداری تبدیل کرنے کی تلقین ملکی قوانین بشمول آرٹیکل 5 اور آئین کے دیگر آرٹیکلز کی صریح خلاف ورزی ہے۔
انہوں نے کہا کہ تشدد کرنے والوں کے خلاف کارروائی کی جائے گی اور مثالی سزا کو یقینی بنایا جائے گا، ریاست اور پاکستان کے عوام کی خدمت کرنے والے ان عظیم سرکاری ملازمین سے ہماری وابستگی میں کوئی شک نہیں ہونا چاہیے۔
