غزہ: غزہ میں اسرائیل کے رہائشی علاقوں اور اسپتالوں پر حملے جاری ہیں، صہیونی بمباری سے مزید 107 فلسطینی شہید اور 145 زخمی ہوگئے۔
غزہ پر اسرائیلی مظالم کی داستان طویل ہوتی جارہی ہے، النصر اسپتال کے غیر فعال ہونے سے 8 مریض دم توڑ گئے، حملوں میں اب تک شہید ہونے والوں کی تعداد 29 ہزار سے تجاوز کر گئی ہے جب کہ 69 ہزار زخمی ہیں۔
دوسری جانب خان یونس میں اسرائیلی فوج پر حماس کے حملوں کے نتیجے میں متعدد صیہونی فوجی ہلاک جب کہ متعدد زخمی ہوگئے۔
غزہ میں انسانی بحران سنگین ہوتا جا رہا ہے، عالمی ادارہ خوراک نے شمالی غزہ میں بھوک سے مرنے والے فلسطینیوں کو خوراک کی فراہمی روک دی ہے۔
علاوہ ازیں امریکہ نے منگل کو ایک بار پھر غزہ جنگ بندی کی قرارداد کو ویٹو کر دیا، جس میں اسرائیل اور حماس کے درمیان فوری طور پر انسانی بنیادوں پر جنگ بندی کا مطالبہ کیا گیا تھا۔
سعودی عرب نے سلامتی کونسل میں امریکی ہٹ دھرمی پر اپنی تشویش کا اظہار کیا ہے، سعودی وزارت خارجہ نے ایک بیان میں کہا ہے کہ غزہ جنگ بندی کی قرارداد پر امریکا کے فیصلے پر مایوسی ہوئی ہے۔
ادھر یورپی یونین نے اسرائیل کو رفح میں ممکنہ فوجی کارروائی سے خبردار کر دیا، یورپی یونین کے وزرائے خارجہ نے مشترکہ بیان میں کہا ہے کہ رفح میں 15 لاکھ مہاجرین مقیم ہیں، فوجی کارروائی ناقابل تصور تباہی کا باعث بنے گی، غزہ میں خوراک کا شدید بحران پیدا ہو رہاہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی