شمالی وزیرستان میں سیکیورٹی فورسز کا آپریشن’1 دہشت گرد گرفتار’1جوان شہید

راولپنڈی: شمالی وزیرستان میں سیکیورٹی فورسز کے آپریشن میں ایک دہشت گرد زخمی حالت میں گرفتار کرلیاگیا’ ایک جوان نے جام شہادت نوش کیا۔
آئی ایس پی آر کے مطابق ضلع شمالی وزیرستان میں سیکیورٹی فورسز اور دہشت گردوں کے درمیان فائرنگ کا تبادلہ ہوا جس کے دوران سیکیورٹی فورسز نے موثر طریقے سے دہشت گردوں کے ٹھکانے کو نشانہ بنایا۔
فائرنگ کے تبادلے میں ایک دہشت گرد کو زخمی حالت میں گرفتار کرلیاگیا تاہم اس دوران حوالدار محمد ظاہر ساکن مردان نے بہادری سے لڑتے ہوئے شہادت کو گلے لگا لیا۔علاقے میں کسی بھی دہشت گرد کے خاتمے کیلئے سینی ٹائزیشن آپریشن کیا جا رہا ہے۔
فوج کے ترجمان ادارے کے مطابق پاکستان کی سیکیورٹی فورسز دہشت گردی کی لعنت کو ختم کرنے کے لئے عزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔