امیر جماعت اسلامی پاکستان سراج الحق نے کہا ہے کہ پی پی سندھ میں تباہی کے بعد پورے ملک پر حکومت کرنا چاہتی ہے۔
کراچی میں تاجروں سے گفتگو کرتے ہوئے سراج الحق کا کہنا تھا کہ معیشت کے حوالے سے وسائل کی کمی نہیں، پاکستان کا معاشی مسئلہ یہ ہے کہ اخراجات زیادہ اور آمدن کم ہے۔
انہوں نے کہا کہ میں دو بار کے پی کے کا وزیر خزانہ رہا، جب میں نے عہدہ سنبھالا تو صوبے پر بہت زیادہ قرضہ تھا، میں نے اپنے دور میں کے پی کے کو قرضوں سے پاک کیا، اصل مسئلہ دیانت دار کا ہے۔
پچھلے ایک سال سے اپنے منشور پر کام کر رہا ہے، ہمارے پاس ہر شعبے کے 1200 ماہرین ہیں، زراعت، صنعتی ترقی، تعلیم اور صحت سب کے لیے ایک مکمل منصوبہ ہے۔
سراج الحق نے زور دے کر کہا کہ فیصلہ کیا ہے کہ 8 فروری کے بعد ایران اور افغانستان ایک ہی میز پر بٹھائیںگے، ہم اس خطے میں امن چاہتے ہیں، ہم تینوں ممالک کی امن کانفرنس بلائیں گے۔
انہوں نے کہا کہ زہریلے اختلافات ختم کرنے کا ارادہ ہے، تمام سیاسی جماعتیں اور اسٹیبلشمنٹ مل کر بیٹھیں گے، ہمیں بڑے دشمن سے لڑنا ہے، جو سہ رخی جنگ شروع کرنا چاہتا ہے، اس کے لیے ہم سب کو مل کر چلنا ہوگا۔
امیر جماعت اسلامی نے کہا کہ پاکستان کا بجٹ ایک ہی کلاسکے بناتے ہیں جو کبھی ریٹائر نہیں ہوتے، یہ آئی ایم ایف کے لوگ ہیں جو ان کے فیصلے پر عمل کرتے ہیں، قرض کے بعد قرض ملنا آئس ہیروئن سے زیادہ خطرناک نشہ ہے، اس وقت پاکستان کا کل بجٹ 14000 ہے، جس میں 7200 ارب روپے بطور سود ادا کیے جائیں گے، اس لیے مزید قرضے لیتے رہیں گے۔
علاوہ ازیں سراج الحق نے ایک بیان میں کہا کہ پیپلز پارٹی نے سندھ میں مسلسل پندرہ سال حکومت کی، وہ سندھ میں تباہی کے بعد پورے ملک پر حکومت کرنا چاہتی ہے۔
انہوں نے کہا کہ مسلم لیگ ن کے رہنما تین ادوار کے بعد چوتھی مدت چاہتے ہیں، تین سابقہ حکمران جماعتیں ملک کی بہتری کے لیے کچھ نہیں کر سکیں، عوام خاندانوں کی حکمرانی سے تنگ آچکے ہیں۔
ان کا مزید کہنا تھا کہ جماعت اسلامی ملک میں امن، انصاف اور ترقی لائے گی، عوام 8 فروری کو ترازو پر مہر لگائیں گے، ہم انہیں خوشحال پاکستان دیں گے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی