اسلام آباد: راولپنڈی، اسلام آباد، پشاور اور سوات سمیت ملک کے بالائی علاقوں میں زلزلے کے جھٹکے محسوس کیے گئے ہیں۔ابتدائی اطلاعات کے مطابق خیر پختونخوا کے علاقوں پشاور، مردان ، کوہاٹ، ضلع سوات میں زلزلے کے جھٹکے محسوس کیے گئے۔
ان کے علاوہ مظفرآباد شہر، ضلع لوئر دیر، مالاکنڈ میں بھی زلزلے کے جھٹکے محسوس ہوئے۔
زلزلے کے باعث لوگ گھروں سے باہر نکل آئے اور کلمہ طیبہ کا ورد کرتے رہے، فی الحال زلزلے کے باعث کسی جانی و مالی نقصان کی اطلاع نہیں ملی۔
