وزیراعلی پنجاب مریم نواز نے ڈیڑھ سے ڈھائی لاکھ روپے کی موٹرسائیکلیں قسطوں پر دینے کا اعلان کردیا۔لاہور میں تقریب سے خطاب کرتے ہوئے مریم نواز نے کہا کہ حکومت میں آنے سے پہلے رائیڈرز کی فلاح کا سوچا تھا، رائیڈرز کے لیے محفوظ سفر بہت ضروری ہے۔
انہوں نے کہا حادثات میں سر کی چوٹ سے بچنے کے لیے صرف ہیلمٹ کافی نہیں ہوتا، رائیڈرز اپنے خاندان کی کفالت کررہے ہیں، حادثات میں ہونے والے نقصانات کی بہت فکر ہوتی ہے۔
ان کا کہنا تھا کہ تمام رائیڈرز کے پاس سیفٹی گیئر ہوناچاہیے، تمام رائیڈرز مقررہ اسپیڈ سے زیادہ تیز موٹر سائیکل نہ چلائیں۔
تقریب سے خطاب کے دوران وزیراعلی پنجاب نے اعلان کیا کہ ڈیڑھ سے ڈھائی لاکھ روپے کی موٹرسائیکلیں قسطوں پر دی جائیں گی۔انہوں نے مزید کہا کہ قسطوں پر موٹرسائیکل کے 25ہزار روپے کی ڈان پیمنٹ حکومت جمع کرائے گی۔ان کا کہنا تھا کہ حکومت میں نہیں تھی تو سوچتی تھی محنت کش بچوں کے لیے کچھ کرنا ہے۔
