بیجنگ: چین میں طوفانی بارشوں نے تباہی مچادی ، پل ٹوٹنے سے 11 افراد ہلاک ہوگئے۔چینی میڈیا کے مطابق پل ٹوٹنے کا واقعہ چین کے شمالی صوبے شینشی میں پیش آیا، پل ٹوٹنے سے 11افراد ہلاک اور 30 لاپتہ ہوگئے۔
چینی حکام کے مطابق پورا علاقہ گزشتہ کئی روز سے مسلسل بارشوں کی لپیٹ میں ہے ، طوفانی بارشوں اور سیلاب کے باعث پل منہدم ہوا، پل ٹوٹنے سے لاپتا افراد کی تلاش کا کام جاری ہے تاہم خراب موسم کے باعث ریسکیو آپریشن میں دشواری کا سامنا ہے۔
حکام نے بارشوں سے ہلاکتوں میں اضافے کا خدشہ ظاہر کیا ہے جبکہ متاثرہ علاقوں میں مواصلات اور بجلی کا نظام بھی معطل ہے۔
