اسلام آباد: بنگلا دیش کے خلاف پہلے ٹیسٹ کے لیے 11رکنی پاکستان کرکٹ ٹیم کا اعلان کردیا گیا۔
پہلا ٹیسٹ بدھ 21 اگست سے راولپنڈی کرکٹ اسٹیڈیم میں کھیلا جائے گا۔ پاکستان ٹیم چار فاسٹ بولرز کے کامبی نیشن کے ساتھ میدان میں اترے گی۔ شان مسعود پہلی مرتبہ ہوم سیریز میں ٹیم کی قیادت کریں گے۔
پاکستان کی فائنل الیون میں کپتان شان مسعود، سعود شکیل، عبداللہ شفیق، بابراعظم، خرم شہزاد ، محمد علی، محمد رضوان، نسیم شاہ، صائم ایوب، سلمان آغا اور شاہین شاہ آفریدی شامل ہیں۔
جیسن گلیسپی پہلی بار پاکستان کرکٹ ٹیم کے کوچ ہونگے، پاکستان نے بنگلہ دیش کے خلاف 13 ٹیسٹ کھیلے ہیں 12 جیتے ہیں ایک ڈرا ہوا ہے۔
واضح رہے کہ پاکستان اور بنگلا دیش کے درمیان پہلا ٹیسٹ بدھ سے راولپنڈی میں شروع ہو گا۔ دونون ٹیموں کے درمیان دوسرا میچ 30 اگست سے کھیلا جائے گا یہ میچ بھی پنڈی کرکٹ اسٹیڈیم میں ہوگا۔
