لاہور : رہنما مسلم لیگ ن اور سابق وفاق وزیر مریم اورنگزیب نے کہا ہے کہ پہلے 2018 میں لاڈلہ اب معصوم کہ کر مسلط کیا جا رہا ہے ایسا نہیں چلے گا۔
لاہور میں پریس کانفرنس کرتے ہوئے مریم اورنگزیب کا کہنا تھا کہ لاڈلے کو آرٹی ایس بٹھا کر مسلط کیا گیا تھا ٗ جب لاڈلے کے خلاف تحریک عدم اعتماد آ ئی تو اس نے آئین توڑا ٗ تحریک عدم اعتماد لانا کسی قسم کی سازش نہیں ہوتی۔
انہوں نے کہا کہ جلسے میں سا ئفر لہرا کر سیکرٹ ایکٹ کے پر خچے اڑادئے ٗ بند کمرے میں کہا گیا سا ئفر معاملے پر سیاست کرنی ہےٗ کاغذ لہرا کر عوام کو گمراہ کیا گیا ٗ سائفر چوری کرکے ملک کے ساتھ غداری کا جواب دینا پڑے گا ۔
لیگی رہنما کا کہنا ہے کہ جس شخص نے آئین کی خلاف ورزی کرائی اسے معصوم کہا جارہا ہے۔ سابق وفاقی وزیر نے بانی پی ٹی آئی پر لفظی گولہ باری کرتے ہوئے کہا کہ تم ہسپتال ٗسکول ٗ جناح ہائوس جلادو کیا معصوم ہو؟ نو مئی کے مجرم کو گڈٹوسی یو کہا جاتا ہے کیا فارن فنڈنگ کرنے والا مجرم معصوم ہے؟
مریم اورنگزیب کا کہنا تھا کہ یہ معصومیت میں ملک کا بیڑہ غرق کر گیا ٗ نوازشریف کے پاس تجربہ کار ٹیم ہے ٗ یہ تماشا اب نہیں چل سکتا عوام سب جانتے ہیں۔
