پشاور: تحریک انصاف نے انتخابی نشان کیس پر الیکشن کمیشن کے خلاف پشاور ہائی کورٹ سے رجوع کرنے کا فیصلہ کرلیا۔
تحریک انصاف کے مرکز ی ترجمان معظم بٹ نے نجی ٹی وی میڈیا سے گفتگو کرتے ہوئے کہا کہ الیکشن کمیشن کی جانب سے انتخابی نشان واپس لینے کے خلاف کل پشاور ہائی کورٹ جائیں گے ٗ کیس سے متعلق پٹیشن تیار کرلی ہے۔
معظم بٹ نے کہا کہ کوشش ہوگی کہ پٹیشن کل ہی سماعت کے لئے مقررہو ٗ پٹیشن میں الیکشن کمیشن کا فیصلہ کالعدم کرنے کی استدا کی گئی ہےاور پٹیشن میں موقف ہے کہ الیکشن کمیشن نے غیر قانونی فیصلہ کیا ہے۔
پی ٹی آئی کے مرکزی ترجمان کا کہنا تھا کہ غیر متعلقہ شخص کی درخواست پر انتخابی نشان واپس لینا غیرقانونی ہے۔
خیال رہے کہ گزشتہ روز الیکشن کمیشن آف پاکستان نے انٹرا پارٹی انتخاب پارٹی آئین کے مطابق نہ کرانے پر پاکستان تحریک انصاف سے بلے کا نشان واپس لے لیا۔
