میلبورن ،پاکستان اور آسڑیلیا کی کرکٹ ٹیموں کے درمیان دوسرا ٹیسٹ میچ 26 دسمبر بروز منگل کو میلبورن کرکٹ گرائونڈ میں شروع ہوگا۔ آسڑیلیا کو تین میچوں کی سیریز میں 1-0کی برتری حاصل ہے۔پرتھ میں کھیلے گئے پہلے ٹیسٹ میچ میں آسڑیلیا نے 360 رنز سے کامیابی حاصل کی تھی۔ پاکستان کی ٹیم شان مسعود کی قیادت میں میدان میں اترے گی جبکہ آسڑیلیا کوپیٹ کمنز لیڈ کریں گے۔دونوں ٹیموں کے مابین سیریز کا تیسرا اور آخری ٹیسٹ میچ آئندہ سال 3سے 7جنوری تک سڈنی میں کھیلا جائے گا۔
