گوجرانوالہ : نو مئی کو گو جرانوالہ کینٹ پر حملہ اور جلاؤ گھیراؤ کے مقدمے میں عدالت نے 51ملزمان کی جائیداد ضبط کرنے کا حکم دے دیا۔
اے ٹی سی عدالت نے زیردفعہ 88کے تحت جائیداد ضبط کر نے کا حکم دیا۔ مقدمے میں ملوث 51 ملزمان کو اشتہاری قرار دینے کی کاروائی بھی جاری ہے۔ عدالتی حکم پر ملزمان کے گھروں اور شہر کے اہم مقامات پر اشتہار آویزاں کئے گئے ہیں۔
عدالت نے ملزمان کے ناقابل ضمانت وارنٹ گرفتاری جاری رکھے جبکہ 51 ملزمان کی فہرست میں مراد سعید ٗ حماد اظہر ٗ فرخ حبیب ٗ عمر ایوب ٗ علی امین گنڈا پورٗ زرتاج گل ٗ زبیر نیازی ٗ جنرل (ر) اکرم ساہی ٗ شوکت بھٹی ٗ میاں طارق ٗ رانا ساجد شوکت ٗ لالہ اسد اللہ پاپا جبلہ پی ٹی آئی امیدواران احمد چٹھہ ٗ بلال اعجاز اور ظفر اللہ چیمہ کے نام بھی شامل ہیں۔
