کراچی: پاکستان پیپلز پارٹی نے کہا ہے کہ سینیٹ میں انتخابات ملتوی کرنے کی قرار داد کی حمایت نہیں کی۔
پاکستان پیپلز پارٹی کی رہنما شیری رحمان نے بلاول ہاؤس میں پریس کانفرنس کرتے ہوئے کہا کہ (پیپلز پارٹی) نے سینٹ میں انتخابات ملتوی کرنے کی قرار داد کی حمایت نہیں کی’ بلاول بھٹو زرداری واضح کر چکے ہیں کہ ہم وقت پر الیکشن چاہتے ہیں’ پیپلز پارٹی بروقت’ منصفانہ اور شفاف انتخابات چاہتی ہے۔
انہوںنے کہا کہ الیکشن کے لئے 8 فروری کی تاریخ سپریم کورٹ نے دے دی ہے۔ ہماری انتخابات کی تمام تیاریاں مکمل ہو چکی ہیں’ انتخابات کے لئے تمام امیدواروں کو فائنل کر لیا ہے۔
شیری رحمان نے کہا کہ الیکشن ملتوی کرنے کی قرار داد صرف14 سینیٹرز کی موجودگی میں پیش کی گئی’ کورم بھی پورا نہیں تھا ‘ ہمارے سینیٹر تنگی نے اس کی مخالفت کی ہے’ ان کی مخالفت اگر واضح نہیں تھی تو ان سے پارٹی اسے حوالے سے وضاحت مانگے گی۔
انہوں نے کہا کہ پیپلز پارٹی نے دس نکاتی چارٹر بھی دیا ہے’ ہماری تیاری پوری ہوچکی ہے
