لاہور: پاکستان مسلم لیگ(ن) کی چیف آرگنائزر مریم نواز نے کہا ہے کہ ہم کسی اور کو نہیں مہنگائی کا شکار کریں گے تاکہ عوام کو ریلیف مل سکے۔
تفصیلات کے مطابق مریم نواز کی زیر صدارت قومی اسمبلی کے حلقہ این اے 119 میں مشاورتی اجلاس ہوا۔ اور عہدیداران نے شرکت کی۔
اجلاس میں انتخابی تیاریوں کا جائزہ لیا گیا جبکہ حلقے میں انتخابی سرگرمیوں کے حوالے سے تجاویز کا تبادلہ بھی کیا گیا۔ مریم نواز نے قائدین، عہدیداروں اور کارکنوں کے دن رات جذبے اور محنت کو سراہا۔
شرکا سے گفتگو کرتے ہوئے مریم نواز کا کہنا تھا کہ صرف الیکشن جیتنا نہیں بلکہ عوام کو مہنگائی سے بچانا ہے کیونکہ عوام نے بہت سے مسائل دیکھے ہیں، اب مسائل کو حل کرنا ہے۔
انہوں نے کہا کہ عوام وعدے پورے کرنے کے لیے نواز شریف کو ہی ووٹ دیں گے، انشا اللہ ہم انتخابات کے بعد اور حکومت میں آنے کے بعد مہنگائی کا مقابلہ کریں گے اور عوام کو ریلیف دیں گے۔
مریم نواز نے کہا کہ بیروزگاری اور غربت سے نجات کا عملی پروگرام تیار کر لیا ہے۔
دوسری جانب پاکستان مسلم لیگ (ن) نے انتخابی سرگرمیوں کے سلسلے میں مانسہرہ میں 22 جنوری کو ٹھکرا اسٹیڈیم عوامی پنڈال سجانے کا فیصلہ کیا ہے، جس میں نواز شریف خطاب کریں گے۔
پارٹی قیادت نے مسلم لیگ ن کے قائد نواز شریف کا مانسہرہ کے حلقہ این اے 15 سے استقبال کرنے کی ہدایت کی ہے۔ ذرائع کا کہنا ہے کہ نواز شریف 22 جنوری کو مانسہرہ میں جلسے سے خیبرپختونخوا میں پارٹی کی انتخابی مہم کا آغاز کریں گے۔واضح رہے کہ مانسہرہ میں نواز شریف کا یہ دوسرا جلسہ ہو گا، اس سے قبل نواز شریف انتخابی مہم کے دوران حافظ آباد جلسے سے خطاب کر چکے ہیں۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی