راولپنڈی: آرمی چیف جنرل عاصم منیر نے کہا ہے کہ پاکستان اور چین کے تعلقات دونوں ممالک کے عوام کے لیے علاقائی امن، استحکام اور خوشحالی کی مشترکہ فہم پر مبنی ہیں۔
آئی ایس پی آر کے مطابق عوامی جمہوریہ چین کے نائب وزیر خارجہ سن ویڈونگ نے جی ایچ کیو میں آرمی چیف جنرل سید عاصم منیر سے ملاقات کی اور باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال کیا۔ .
چینی نائب وزیر خارجہ نے کہا کہ پاکستان اور چین ہمہ موسمی تزویراتی شراکت دار ہیں۔ اس کے علاوہ چینی وزیر نے علاقائی امن و استحکام کے لیے پاکستان کی کوششوں کو سراہا۔ سی پیک منصوبوں کے لیے حفاظتی انتظامات پر چین نے اطمینان کا اظہارکیا۔
آرمی چیف نے کہا کہ پاکستان اور چین کے تعلقات دونوں ممالک کے عوام کے لیے علاقائی امن، استحکام اور خوشحالی کی مشترکہ سوچ پر مبنی ہیں۔
