وٹامن ڈی ایک ایسا جز ہے جو ہماری صحت اور مدافعتی نظام کے لیے بہت ضروری ہے۔
وٹامن ڈی ہڈیوں کو مضبوط کرتا ہے، دماغی صحت کو بہتر بناتا ہے، اور رات کو اچھی نیند لینا آسان بناتا ہے۔
لیکن دنیا بھر میں لاکھوں افراد وٹامن ڈی کی کمی کا شکار ہیں۔
ایک اندازے کے مطابق دنیا بھر میں ایک ارب افراد وٹامن ڈی کی کمی کا شکار ہیں۔
لیکن سوال یہ ہے کہ وٹامن ڈی کی کمی کے جسم پر کیا اثرات ہوتے ہیں؟
تھکاوٹ اور کمزوری
یہ واضح نہیں ہے کہ وٹامن ڈی کی کمی تھکاوٹ یا کمزوری کا سبب کیوں بنتی ہے لیکن کئی تحقیقی رپورٹس میں یہ بات سامنے آئی ہے کہ وٹامن ڈی کی کمی کے شکار افراد اکثر تھکاوٹ اور کمزوری کی شکایت کرتے ہیں۔
پٹھوں میں درد اور کمزوری۔
وٹامن ڈی پٹھوں کے کام کے لیے بہت ضروری ہے۔
حیرت انگیز جگر کو نقصان پہنچانے والی چیزیں جو لوگ سمجھتے ہیں کہ وہ بے ضرر ہیں۔
یہی وجہ ہے کہ جسم میں وٹامن ڈی کی کمی پٹھوں میں درد، حجم میں کمی، کمزوری اور پٹھوں کی ساخت میں تبدیلی جیسے مسائل کا باعث بنتی ہے۔
کمر درد
پٹھوں کی کمزوری کمر اور گردن کے پٹھوں پر دبا ڈالتی ہے جس کے نتیجے میں کمر میں درد ہوتا ہے۔
وٹامن ڈی کی کمی کے شکار لوگوں میں کمر کا درد بہت عام ہے۔
جوڑوں کے امراض کی ابتدائی علامات جنہیں کبھی نظر انداز نہیں کرنا چاہیے۔
اگر آپ کو اکثر کمر درد کا سامنا ہوتا ہے تو بہتر ہے کہ وٹامن ڈی کی کمی کے لیے ٹیسٹ کروائیں۔
ہڈیوں کی کمزوری
ہمارا جسم ہڈیوں کی نشوونما اور کیلشیم کے جذب کے لیے وٹامن ڈی پر انحصار کرتا ہے۔
یہی وجہ ہے کہ وٹامن ڈی کی کمی ہڈیوں کو کمزور یا ٹوٹنے کا باعث بن سکتی ہے۔
ہڈیوں کی کمزوری کے ساتھ ساتھ ان کی کثافت بھی کم ہوجاتی ہے جس سے فریکچر کا خطرہ بڑھ جاتا ہے۔
بالوں کا گرنا
وٹامن ڈی بالوں کی صحت کے لیے بھی ضروری ہے۔
وٹامن ڈی کی کمی نہ صرف بالوں کی نشوونما کو کم کرتی ہے بلکہ بالوں کے گرنے کا خطرہ بھی بڑھا دیتی ہے۔
ذہنی دباؤ
مختلف تحقیقی رپورٹس کے مطابق وٹامن ڈی کی کمی ڈپریشن کی علامات کا خطرہ بڑھا دیتی ہے۔
اسی طرح ڈپریشن کے مریض اگر وٹامن ڈی کی کمی کا شکار ہوں تو ڈپریشن کی علامات بڑھ سکتی ہیں۔
جسمانی وزن میں اضافہ
جسم میں وٹامن ڈی کی کمی وزن میں اضافے کا باعث بن سکتی ہے۔
درحقیقت موٹے لوگوں میں وٹامن ڈی کی کمی کا خطرہ دوسروں کے مقابلے میں 35 فیصد زیادہ ہوتا ہے۔
تحقیقی رپورٹس کے مطابق پیٹ اور کمر کے گرد چربی جمع ہونے اور وٹامن ڈی کی کمی کے درمیان تعلق ہے۔
جلد کے امراض
وٹامن ڈی جلد کے کام کے لیے بھی ضروری ہے اور اس کی کمی سے جلد کی بیماریاں جیسے چنبل ہو سکتی ہیں۔
دانتوں کو نقصان پہنچانا
وٹامن ڈی صحت مند دانتوں اور مسوڑھوں کے لیے ضروری ہے کیونکہ یہ جسم کو کیلشیم جذب کرنے میں مدد کرتا ہے۔
یہی وجہ ہے کہ وٹامن ڈی کی کمی سے دانت کمزور ہو جاتے ہیں اور ان کے ٹوٹنے کا خطرہ بڑھ جاتا ہے۔
اسی طرح وٹامن ڈی کی کمی سے مسوڑھوں کی مختلف بیماریوں کا خطرہ بڑھ جاتا ہے۔
پیشاب کی نالی کی سوزش
وٹامن ڈی مدافعتی نظام کے لیے اہم ہے کیونکہ یہ جسم کو قدرتی اینٹی بائیوٹک پیدا کرنے میں مدد کرتا ہے۔
پیشاب کی نالی کا انفیکشن ایک بیکٹیریل انفیکشن ہے جو مثانے اور گردوں کو متاثر کرتا ہے۔
موسمی بیماریاں ہر وقت ہوتی رہتی ہیں
وٹامن ڈی مدافعتی صحت کے لیے اہم ہے، بیماری پیدا کرنے والے بیکٹیریا اور وائرس سے لڑنے میں مدد کرتا ہے۔
وٹامن ڈی بیماریوں سے لڑنے والے خلیوں کے ساتھ براہ راست تعامل کرتا ہے۔
