کیلیفورنیا: ٹیکنالوجی کمپنی میٹا اپنی ذیلی ایپلی کیشن واٹس ایپ میں ایک فیچر پر کام کر رہی ہے تاکہ صارفین دیگر میسجنگ ایپس سے براہ راست پیغامات وصول کر سکیں۔
واٹس ایپ بیٹا انفو کی جانب سے شائع کردہ پوسٹ کے مطابق، یہ فیچر حال ہی میں واٹس ایپ کے iOS بیٹا ورژن میں ٹیسٹنگ کے لیے متعارف کرایا گیا ہے۔
ٹویٹر ایکس پر شیئر کی گئی پوسٹ میں واٹس ایپ بیٹا نے ایک تصویر پوسٹ کی جس میں دکھایا گیا ہے کہ چیٹ ٹیب میں ایک نیا باکس شامل کیا گیا ہے جو تھرڈ پارٹیز سے موصول ہونے والے پیغامات کے لیے وقف ہے اور اس میں واٹس ایپ بھی شامل ہے۔ باہر سے آنے والی تمام چیٹس اکٹھی کی جائیں گی۔
صارفین کے پاس اس فیچر کو استعمال کرنے کا اختیار ہوگا اور وہ جب چاہیں اسے غیر فعال کر سکیں گے۔
مزید برآں، فریق ثالث ایپس سے موصول یا بھیجے گئے پیغامات پرائیویسی کو یقینی بنانے کے لیے اینڈ ٹو اینڈ انکرپٹڈ ہوں گے۔فی الحال یہ واضح نہیں ہے کہ واٹس ایپ اس فیچر کے ساتھ کتنے پلیٹ فارمز سے منسلک ہو سکے گا۔
