مسلم لیگ(ن) کے رہنما اور سابق وفاقی وزیر خواجہ آصف نے انتخابی مہم کے دوران پیپلز پارٹی کے چیئرمین کی جانب سے مسلسل تنقید پر کہا ہے کہ بلاول کو سوچنا چاہیے کہ کل انہیں ہمارے ساتھ بیٹھنا پڑسکتا ہے اور وہ اس جذبے کو یاد رکھیںجس کے تحت ان کی والدہ نے میثاق جمہوریت پر دستخط کیے تھے۔
مسلم لیگ (ن) کے رہنما خواجہ آصف نے غیر ملکی خبر رساں ادارے سے گفتگو کرتے ہوئے کہا کہ انتخابات میں وہی ماحول ہے جو گزشتہ الیکشن میں تھا، جس طرح سے عوام میں جاتے ہیں، کارنر میٹنگز یا جلسے ہوتے ہیں، سب کچھ ہوبہو ویسا ہی ہے۔
انہوں نے کہا کہ فرق صرف یہ ہے کہ پنجاب، خیبرپختونخوا اور بلوچستان میں شدید سردی پڑ رہی ہے جس کی وجہ سے انتخابی ماحول قدرے تاخیر سے گرم ہوا ہے کیونکہ عام طور پر انتخابی مہم ڈیڑھ ماہ قبل شروع ہوتی ہے اور اب 10 سے 15 دن انتخابی مہم زور و شور سے جاری رہے گی۔
انہوں نے کہا کہ امید ہے کہ الیکشن میں ٹرن آٹ اچھا رہے گا، الیکشن کے دن دھوپ ہو تو ٹرن آوٹ بہت اچھا ہو گا، لیکن اگر دھند اور سردی ہو تو ٹرن آوٹ متاثر ہوگا۔
بلاول کی تنقید اور مستقبل میں دوبارہ ان کے ساتھ بیٹھنے کے حوالے سے خواجہ آصف نے کہا کہ سیاست میں کوئی چیز حتمی نہیں ہوتی اور دروازے کبھی بند نہیں ہوتے، وہ کل ہمارے ساتھ بیٹھنے کے بارے میں سوچیں۔
انہوں نے کہا کہ بلاول کو اس اسپرٹ کو ذہن میں رکھنا چاہیے جس میں بینظیر بھٹو شہید اور میاں نواز شریف نے میثاق جمہوریت پر دستخط کیے، وہ جذبہ پاکستان کی سیاست میں کم ہی نظر آتا ہے۔
مسلم لیگ (ن) کے رہنما کا کہنا تھا کہ بلاول کی والدہ نے اس میثاق جمہوریت پر دستخط کیے تھے اور میری درخواست صرف یہ ہے کہ وہ یہ لہجہ اپناتے ہوئے اس اسپرٹ کو یاد رکھیں۔
جمعہ, اکتوبر 18
تازہ ترین
- ڈکیت گینگ کی سرپرستی، سب انسپکٹر اور جیل ملازم گرفتار
- وزیراعظم ہائوس میں بڑا سیاسی اکٹھ، فوجی عدالتوں کے معاملے پر بریفنگ
- آئین میں ترمیم کیلئے حکومت کا طریقہ کار درست نہیں: بیرسٹر گوہر
- اسرائیل کا حماس سربراہ یحییٰ سنوار کی شہادت کا دعویٰ
- ڈیمز فنڈ میں موجود رقم حکومت کے پبلک اکائونٹ میں منتقل کرنے کا حکم
- میرے استعفیٰ سے دہشتگردی کم ہوتی ہے تو تیار ہوں: وزیراعلی بلوچستان
- احتجاج کی کال پی ٹی آئی کی ملک دشمنی کا منہ بولتا ثبوت ہے : خواجہ آصف
- بانی پی ٹی آئی کی بہنیں علیمہ اور عظمیٰ خان اڈیالہ سے جہلم جیل منتقل
- پنجاب حکومت کا گاڑی مالکان کیلئے من پسند نمبر پلیٹ کے اجرا کا فیصلہ
- وزیراعظم سے ایم کیو ایم کے وفد کی ملاقات، آئینی ترامیم پر تبادلہ خیال
- بلاول بھٹو نے آئینی ترمیم کا مسودہ شیئر کرکے عوام سے تجاویز بھی مانگ لیں
- اسرائیل کی بیروت میں وحشیانہ بمباری، مزید 60 افراد شہید،168 زخمی