تہران: ایران نے اپنی سرزمین میں 9 پاکستانی مزدوروں کے قتل کی شدید مذمت کرتے ہوئے یقین دلایا ہے کہ وہ دونوں ممالک کے تعلقات خراب کرنے کی کوشش کرنے والے امن دشمن عناصر کو سزا دے گا۔
ایرانی میڈیا کے مطابق وزارت خارجہ کے ترجمان نے سراوان میں فائرنگ کے واقعے میں جاں بحق ہونے والے مزدوروں کے اہل خانہ اور پاکستانی عوام سے تعزیت کا اظہار کیا ہے۔
وزارت خارجہ کے ترجمان نے کہا ہے کہ ملک کی انٹیلی جنس ایجنسیوں اور تحقیقاتی اداروں نے واقعے کی تحقیقات شروع کردی ہیں۔ حملہ آور جن کی تعداد 3 تھی، کو ڈھونڈ کر انصاف کے کٹہرے میں لایا جائے گا۔
ایرانی وزارت خارجہ کے ترجمان نے مزید کہا کہ زخمیوں کو علاج کی بہترین سہولیات فراہم کی جارہی ہیں۔ زخمیوں سے حملہ آوروں کی تفصیلات حاصل کر لی گئی ہیں۔
دوسری جانب ایران کے صوبہ سیستان بلوچستان کے گورنر نے کہا ہے کہ پولیس اس افسوسناک واقعے کی تمام پہلوں سے تفتیش کر رہی ہے اور ہم جلد ملزمان تک پہنچ جائیں گے۔
یاد رہے کہ ایران کے صوبہ سیستان بلوچستان کے علاقے سراوان میں ڈینٹنگ پینٹنگ کا کام کرنے والے 9 پاکستانیوں کو گولی مار کر ہلاک اور 3 کو زخمی کردیا گیا تھا۔یہ واقعہ ایسے وقت میں پیش آیا ہے جب پاکستان ایران حالیہ کشیدگی کے بعد دونوں ممالک نے سفارتی سرگرمیاں دوبارہ شروع کر دی ہیں۔
دونوں ممالک کے درمیان کشیدگی پاکستانی صوبے بلوچستان میں ایران کے حملے کے بعد شروع ہوئی تھی جس کے بعد پاکستان نے اپنا سفیر واپس بلا لیا اور ایرانی سفیر کو پاکستان کا دورہ کرنے سے روک دیا۔
اس کے علاوہ پاک فوج نے ایرانی حملے کا جواب دیتے ہوئے ایران میں دہشت گردوں کے ٹھکانے پر حملہ کیا۔ جس کے بعد دونوں ممالک نے کشیدگی کم کرنے کے لیے سفارتی سرگرمیاں بحال کرنے کا اعلان کیا تھا۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی