اسلام آباد: سائفر کیس میں عمران خان اور شاہ محمود قریشی میں شور شرابا کر دیا جس کے بعد جج کو کارروائی معطل کرنا پڑی۔
اڈیالہ جیل میں آفیشل سیکرٹ ایکٹ کورٹ قائم کی گئی جس میں جج ابوالحسنات ذوالقرنین کے روبرو امریکی سائفر کیس کی سماعت ہوئی۔ تحریک انصاف کے بانی عمران خان اور رہنما شاہ محمود قریشی عدالت میں پیش ہوئے۔
پراسیکیوٹر ذوالفقار نقوی اور عمر بلال، سرکاری وکلا، شاہ محمود قریشی کی اہلیہ اور بیٹی، عام لوگ اور گواہان بھی کمرہ عدالت میں پہنچ گئے۔
وزیراعظم کے دور میں عمران خان کے سیکرٹری رہنے والے اعظم خان سے جرح کے دوران عدالت کا ماحول کشیدہ ہو گیا، عمران خان اور شاہ محمود قریشی برہم ہو گئے اور شور شرابا شروع کر دیا۔
معاملے کی سنگینی کو دیکھتے ہوئے جج کو کارروائی کچھ دیر کے لیے ملتوی کرنی پڑی۔
