الیکشن کمیشن آف پاکستان (ای سی پی) نے عام انتخابات کی نگرانی کے لیے کنٹرول روم قائم کر دیا ہے جب کہ پہلی بار شکایات درج کرانے کے لیے واٹس ایپ کا استعمال کیا جائے گا۔
اسلام آباد میں میڈیا بریفنگ دیتے ہوئے ایڈیشنل ڈی جی سینٹرل کنٹرول روم ہارون شنواری کا کہنا تھا کہ انتخابات کی مانیٹرنگ کے لیے کنٹرول روم قائم کر دیا گیا ہے، جدید ترین نظام میں مانیٹرنگ کے لیے خصوصی اقدامات کیے گئے ہیں، شکایات کا اندراج سب سے پہلے ہوگا۔
واٹس ایپ کے استعمال کے دوران ملک بھر سے ای میل اور یونیورسل فون نمبر پر شکایات درج کی جا سکتی ہیں۔انہوں نے کہا کہ صوبائی سطح پر چار کنٹرول رومز بھی قائم کیے گئے ہیں، 32 ریجنل مانیٹرنگ کنٹرول رومز الیکشن کی نگرانی کر رہے ہیں جبکہ 144 ڈسٹرکٹ مانیٹرنگ ٹیمیں بھی شکایات کے ازالے کے لیے اقدامات کر رہی ہیں۔
انہوں نے کہا کہ 26 دسمبر سے اب تک 625 افراد کو نوٹس جاری کیے گئے، 252 امیدواروں کو شو کاز نوٹس جاری کیے گئے، ضابطہ اخلاق کی خلاف ورزی پر 156 افراد کو جرمانے کیے گئے۔
ہارون شنواری نے بتایا کہ 12ہزار 236وال چاکنگ اور ہورڈنگز ہٹا دی گئی ہیں، اب تک 221 شکایات موصول ہوئی ہیں جن میں سے 198 کا ازالہ کر دیا گیا ہے۔
انہوں نے کہا کہ سندھ، بلوچستان اور خیبرپختونخوا میں ہونے والے واقعات پر آئی جیز اور چیف سیکریٹریز کو نوٹس جاری کر دیے گئے ہیں۔
انہوں نے کہا کہ ٹرائلز پر اب تک الیکٹرانک مینجمنٹ سسٹم (ای ایم ایس) کی کارکردگی تسلی بخش رہی ہے، نتائج ای ایم ایس کے ذریعے منتقل کیے جائیں گے۔
جمعہ, اکتوبر 18
تازہ ترین
- ڈکیت گینگ کی سرپرستی، سب انسپکٹر اور جیل ملازم گرفتار
- وزیراعظم ہائوس میں بڑا سیاسی اکٹھ، فوجی عدالتوں کے معاملے پر بریفنگ
- آئین میں ترمیم کیلئے حکومت کا طریقہ کار درست نہیں: بیرسٹر گوہر
- اسرائیل کا حماس سربراہ یحییٰ سنوار کی شہادت کا دعویٰ
- ڈیمز فنڈ میں موجود رقم حکومت کے پبلک اکائونٹ میں منتقل کرنے کا حکم
- میرے استعفیٰ سے دہشتگردی کم ہوتی ہے تو تیار ہوں: وزیراعلی بلوچستان
- احتجاج کی کال پی ٹی آئی کی ملک دشمنی کا منہ بولتا ثبوت ہے : خواجہ آصف
- بانی پی ٹی آئی کی بہنیں علیمہ اور عظمیٰ خان اڈیالہ سے جہلم جیل منتقل
- پنجاب حکومت کا گاڑی مالکان کیلئے من پسند نمبر پلیٹ کے اجرا کا فیصلہ
- وزیراعظم سے ایم کیو ایم کے وفد کی ملاقات، آئینی ترامیم پر تبادلہ خیال
- بلاول بھٹو نے آئینی ترمیم کا مسودہ شیئر کرکے عوام سے تجاویز بھی مانگ لیں
- اسرائیل کی بیروت میں وحشیانہ بمباری، مزید 60 افراد شہید،168 زخمی