لاہور: چیئرمین پاکستان پیپلز پارٹی بلاول بھٹو زرداری نے کہا ہے کہ وفاق ‘بلوچستان اور پنجاب میں پیپلز پارٹی کے بغیر حکومت نہیں بن سکتی۔
لاہور میں پریس کانفرنس کرتے ہوئے بلاول بھٹو نے کہا کہ ہم سیاسی اختلافات کو ذاتی دشمنی میں نہیں لے کر جانا چاہیے ، حکومت سازی کے لیے ہماری ترجیحات عوام ہیں، ہم ایسی مخلوط حکومت بنائیں جس سے ملکی صورتحال مستحکم ہو۔
انہوں نے کہا کہ ابھی تک مکمل رزلٹ کے انتظار میں ہے، پی ٹی آئی کے آزاد امیدواروں سے رابطہ نہیں ہوا، کم تیاری کے ساتھ پنجاب میں الیکشن مہم چلائی ‘ ہم لاہور میں بڑے مارجن سے جیت رہے ہیں، صبح اٹھے تو پتہ چلا ہم ہار رہے ہیں۔
بلاول بھٹو نے کہا کہ آزاد امیدوار کیا فیصلے کرتے ہیں اس پ بھی عوام کی نظر ہے’ میں رزلٹ پر مایوس بالکل مایوس نہیں’ اس الیکشن سے نظر آیا ہے کہ پیپلز پارٹی کا پوٹینشل کیا ہے’ پنجاب کا وزیراعلی پیپلز پارٹی کے ووٹ کے بغیر خود کو منتخب نہیں کرواسکے گا۔
انہوں نے کہا کہ ہم بلوچستان میں بھی حکومت بنانے کی کوشش کریں گے، اگر ہماری حکومت بنی تو جو منصوبے سندھ میں دیئے وہی بلوچستان میں دینے کی کوشش کریں گے۔
