لاہور: نواز شریف او ر آصف زرداری کی آج جاتی امرا میں ملاقات کریں گے جس میں حکومت بنانے لئے بات چیت کا امکان ہے’ جس میں دونوں جماعتیں اپنے اپنے وزیراعظم کے امیدواروں کا نام دیں گے۔ آصف علی زرداری کے ساتھ بلاول بھٹو جبکہ نواز شریف کے ساتھ مریم نواز’ شہباز شریف اور اسحاق ڈار موجود ہونگے’سربراہان فیصلہ کریں گے کہ کس جماعت کا صدر اور کس جماعت کا وزیراعظم ہوگا
آصف زرداری اور بلاول اس وقت اسلام آباد میں موجود ہیں جو جلد لاہور روانہ ہوں گے، توقع ہے کہ ملاقات آج ہی ہوگی، ملاقات کے لیے نگراں وزیراعلی پنجاب محسن نقوی بھی سرگرم ہیں۔
اگر دونوں جماعتیں متفق نہیں ہوئیں تو آزاد امیدوار اپنی حکومت بنالیں گے جس کے خلاف لائحہ عمل طے کرنے کے لیے ہی آج دونوں جماعتیں ملاقات کریں گے ۔اطلاعات ہیں کہ گزشتہ بات چیت کے حوالے سے اسحاق ڈار نواز شریف کو بریفنگ دے چکے ہیں اور یہ باتیں میڈیا پر سامنے نہیں آئی ہیں۔
دریں اثنا مسلم لیگ ن کے مرکزی صدر شہباز شریف نے مولانا فضل الرحمان کے ساتھ ٹیلی فون پر رابطہ کرکے انہیں ملاقات کی دعوت دی ہے۔پارٹی ذرائع کے مطابق مولانا فضل الرحمان جلد لاہور آکر شہباز شریف سے ملاقات کریں گے۔ذرائع کا کہنا ہے کہ مولانا فضل الرحمان نے شہباز شریف کو پارٹی کے مرکزی قائدین کی تمام نشستوں پر فتح کی مبارکباد باد بھی دی ہے۔
