اسلام آباد: راولپنڈی کمشنر کے انتخابات میں دھاندلی میں چیف جسٹس کے ملوث ہونے کے الزام پر قاضی فائز عیسی کی سربراہی میں مشاورتی اجلاس جاری ہے، جس میں ازخود نوٹس لینے سے متعلق فیصلہ کیا جائے گا، چیف جسٹس نے کہا ہے کہ الزام لگانے والے ثبوت بھی پیش کرے۔
ذرائع کے مطابق چیف جسٹس قاضی فائز عیسی کی زیر صدارت ان کے چیمبر میں مشاورتی اجلاس جاری ہے جس میں جسٹس منیب اختر، جسٹس یحیی آفریدی، جسٹس عائشہ ملک اور جسٹس اطہر من اللہ شریک ہیں۔
ذرائع کا کہنا ہے کہ شرکاء کمشنر راولپنڈی کے الزامات کا جائزہ لے رہے ہیں اور مشاورت کے بعد نوٹس لینے یا نہ لینے کا فیصلہ کیا جائے گا۔
دریں اثنا اجلاس سے قبل میڈیا سے مختصر گفتگو میں انہوں نے کہا کہ مجھ پر انتخابی دھاندلی کے الزامات بے بنیاد ہیں اور ان میں کوئی صداقت یا سچائی نہیں۔
انہوں نے کہا کہ کوئی بھی الزام لگا سکتا ہے، الزامات لگانا ان کا حق ہے، لیکن اس میں ثبوت کے ساتھ ہونا چاہیے اور کمشنر پنڈی نے کوئی ثبوت پیش نہیں کیا۔
چیف جسٹس نے مزید کہا کہ اسی طرح مجھ پر چوری اور قتل کا الزام لگادیں کوئی ثبوت بھی تو ہو۔
