پاکستان تحریک انصاف کے رہنما بیرسٹر گوہر خان نے مطالبہ کیا ہے کہ سابق کمشنر راولپنڈی کے الزامات پر الیکشن کمیشن کی انکوائری رپورٹ منظر عام پر لائی جائے اور اس کی جوڈیشل انکوائری کرائی جائے۔
اسلام آباد میں پریس کانفرنس کرتے ہوئے انہوں نے کہا کہ پی ٹی آئی نے قومی اسمبلی کی 180 نشستیں حاصل کی ہیں۔ الیکشن کے بعد حکومت سازی کی باتیں ہو رہی ہیں لیکن بدقسمتی سے الیکشن کمیشن نے ابھی تک نتائج جاری نہیں کئے۔
انہوں نے کہا کہ خیبرپختونخوا میں ہماری 42 نشستیں ہیں، پنجاب میں 50 کے قریب نشستیں ہیں، ووٹنگ پرامن طریقے سے ہوئی، تمام جماعتوں کو فارم 45 ملا، نتائج کا اعلان فارم 45 کے مطابق کیا جائے۔
انہوں نے کہا کہ ہماری جماعت کو جلسے اور کارکنوں کے جلسے کرنے کی اجازت نہیں دی گئی، ہمیں انتخابی نشان نہیں دیا گیا اور ہمیں انتخابی مہم چلانے کی اجازت نہیں دی گئی، ہمارے کارکنوں اور رہنماؤں کے خلاف مقدمات درج کیے گئے، پی ٹی آئی کو آوٹ کرنے کی کوشش کی گئی۔ ہمیں پنجاب میں جیتی ہوئی 50 سیٹیں نہیں دی گئیں، پنجاب میں ہماری اکثریت کو کم کیا۔
ان کا مزید کہنا تھا کہ پی ٹی آئی نے جمہوریت کو ڈی ریل ہونے سے بچانے کی کوشش کوشش کی ہے ‘8 فروری کو عوام بڑی تعداد میں باہر نکلے اور پی ٹی آئی کو ووٹ دیا۔
سابق کمشنر راولپنڈی کے انتخابات میں مبینہ دھاندلی سے متعلق بیان پر بیرسٹر گوہر نے کہا کہ سابق کمشنر راولپنڈی نے اپنے ضمیر کی بنیاد پر فیصلہ کیا ہے، اس سے ہمارے موقف کی تائید ہوتی ہے، پی ٹی آئی معاملے کی تحقیقات کا مطالبہ کرتی ہے۔ رپورٹ عوام کے سامنے لائی جائے۔
پریس کانفرنس کرتے ہوئے تحریک انصاف کے نامزد وزیر اعظم عمر ایوب نے دعوی کیا کہ مرکز اور پنجاب میں پی ٹی آئی کی حکومت ہوگی۔
انہوں نے کہا کہ میں تحریک انصاف کے بانی کا شکر گزار ہوں جنہوں نے مجھے وزیراعظم کے انتخاب کے لیے نامزد کیا، یہ جیت پاکستان تحریک انصاف کی ہوگی، یہ نشست تحریک انصاف کے بانی کی امانت ہے، میں وزارت عظمی کا الیکشن لڑوں گا۔
عمر ایوب نے کہا کہ ہمیں پولیس نے ہراساں کیا، ہمیں دیوار سے لگا دیا گیا، نگران حکومت نے اپنے مینڈیٹ سے تجاوز کیا، پولیس مختلف مقدمات میں ہمارے لوگوں کو اٹھا رہی ہے، پی ٹی آئی کے کارکن تاحال لاپتہ ہیں۔ ہمارے کارکنوں کے خلاف بوگس ایف آئی آر درج کی جا رہی ہیں۔
پاکستان تحریک انصاف کے رہنما نے مطالبہ کیا کہ کراچی کی نشستوں پر پی ٹی آئی کو کامیاب قرار دیا جائے، انہوں نے مزید کہا کہ ہمارے 180 امیدواروں کو کامیاب قرار دینے کا نوٹیفکیشن جاری کیا جائے
۔
عمر ایوب نے کہا کہ لوگ کہتے تھے کہ پی ٹی آئی کے پاس پولنگ ایجنٹ نہیں ہیں لیکن پی ٹی آئی کے پاس امیدوار اور پولنگ ایجنٹس بھی ہیں، پی ٹی آئی نے عام انتخابات میں 180 نشستیں حاصل کیں۔
عمر ایوب نے 2024 کے انتخابات کو ” مدر آف آل رگنگ”قرار دے دیا۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی