چینی وزارت خارجہ کے ترجمان نے پاکستان میں عام انتخابات کے پرامن طریقے سے انعقاد پر پاکستانی حکومت کو مبارکباد دی ہے۔
خبر رساں ادارے اے پی پی کے مطابق چینی وزارت خارجہ کے ترجمان ما ننگ نے پیر کو ایک پریس کانفرنس کے دوران کہا کہ ایک دوست ہمسایہ ملک کی حیثیت سے چین پاکستانی عوام کے انتخاب کا مکمل احترام کرتا ہے۔
انہوں نے کہا کہ چین کو پوری امید ہے کہ پاکستان کی تمام سیاسی جماعتیں انتخابات کے بعد سیاسی اتحاد اور سماجی استحکام کا مشترکہ تحفظ کریں گی اور ملک کی ترقی اور مستقبل کے لیے مل کر کام کریں گی۔
ترجمان نے کہا کہ چین اور پاکستان چاروں موسموں کے سٹریٹجک پارٹنر ہیں، چین اور پاکستان روایتی دوستی کو جاری رکھنے، مختلف شعبوں میں عملی تعاون کو گہرا کرنے اور نئے دور میں مزید قربت کے ساتھ جدید دور میں مشترکہ معاشرے کی تعمیر کے لیے تیار ہیں۔ دونوں ممالک کے عوام کو بہتر فوائد پہنچانے کے لیے ان کے ساتھ مل کر کام کرنے کے منتظر ہوں۔
