اسلام آباد: قادیانیوں کی جانب سے قرآن پاک کے ترجمے سے متعلق سپریم کورٹ کے فیصلے پر اسلامی نظریاتی کونسل کا اہم اجلاس 5 مارچ کو طلب کرلیا گیا ہے۔
نمائندہ خصوصی وزیراعظم برائے بین المذہب ہم آہنگی مشرق وسطی و چیئرمین پاکستان علماء کونسل علامہ طاہر محمود اشرفی نے کہا ہے کہ اسلامی نظریاتی کونسل سپریم کورٹ کے فیصلے کا اسلامی تعلیمات، آئین اور قانون کی روشنی میں جائزہ لے گی۔
علامہ طاہر محمود اشرفی نے کہا کہ سپریم کورٹ کے قادیانیوں سے متعلق فیصلے کے دو پہلو وکلا کی طرف سے سامنے آرہے ہیں اور وکلا کسی متفقہ نقطہ پر پہنچنے سے پہلے کوئی رائے دینا نہیں چاہتے۔ میںواضح کر دوں کہ فیصلہ قرآن و سنت کے مطابق قبول کیا جائے گا۔
چیئرمین پاکستان علما کونسل نے کہا کہ پاکستان کو اسلامی فلاحی ریاست بنانا ہم سب کی ذمہ داری ہے اور پاکستان بنانے کا مقصد نظام عدل کا قیام، قرآن و سنت کی تعلیمات کا فروغ اور انسانی حقوق کا تحفظ’ قرآن و سنت کی تعلیمات کے مطابق ہو۔ .واضح رہے کہ سپریم کورٹ نے توہین قرآن اور قادیانیت کے فروغ کے مقدمے سے توہین قرآن اور قادیانیت کی ترویج کی دفعات کو حذف کرنے کا حکم دیا تھا۔
