اسلام آباد: چیئرمین تحریک انصاف بیرسٹر گوہر خان نے فارم 45 کے مطابق نتائج جاری کرنے اور خیبرپختونخوا، پنجاب اور مرکز میں مضبوط حکومت بنانے کا آئینی اور جمہوری حق دینے کا مطالبہ کردیا۔
ترجمان پی ٹی آئی کے مطابق تحریک انصاف بیرسٹر گوہر خان نے اپنے بیان میں کہا ہے کہ پاکستان کا مستقبل آئین کی مکمل بالادستی اور جمہوری اقدار و روایات کے انتہائی احترام سے جڑا ہے۔ اس طاقت کو منتخب نمائندوں کے ذریعے استعمال کرکے ریاست اور عوام کے درمیان اس مقدس رشتے کو مجروح کرکے بطور ریاست ہم سے کسی خیر کی توقع رکھنا عبثہے۔
تاریخ گواہ ہے کہ جب بھی آئین اور جمہوریت کی ضرورت کے بغیر ریاست چلانے کی کوشش کی گئی، ملک بحرانوں کی لپیٹ میں آیا اور حادثات نے ہماری دہلیز پر دستک دی، آج ہم بطور ریاست جس پوزیشن میں ہیں وہ ہمارے لیے انتہائی سنجیدہ اور باشعوری کا متقاضی ہے۔
بیرسٹر گوہر خان نے کہا کہ پی ٹی آئی کے بانی عمران خان کو ناحق جھوٹے، من گھڑت اور جعلی مقدمات میں جیل میں بند کیا گیااور قدم قدم پر آئین و قانون کی دھجیاں اڑاتے ہوئے اسے انتخابی دوڑ سے باہر کرنے کی ہر ممکن کوشش کی گئی۔انہوں نے کہا کہ تمام تر ہتھکنڈوں کے باوجود تحریک انصاف کو جو واضح اور فیصلہ کن عوامی مینڈیٹ سونپا گیا ہے اسے ہر طرح سے کھلم کھلا پامال کیا جا رہا ہے جو کہ عوام کے ووٹوں کی بے حرمتی اور آئین و جمہوریت کو پامال کرنے کے مترادف ہے اور ملکی مفاد کے منافی ہے۔
پاکستان الیکشن کمیشن کی جانب سے انتخابی نتائج میں مجرمانہ ہیرا پھیری کے ذریعے عوام کی منتخب اکثریت کو زبردستی اقلیت میں تبدیل کرنے کی قابل مذمت سہولت تباہی کا نسخہ ہے۔
بیرسٹر گوہر خان نے کہا کہ وہ الیکشن کمیشن کے عوام کے جائز مینڈیٹ کو غیر قانونی طور پر عوام کے مسترد کردہ سیاسی گروہوں میں تقسیم کرنے اور انہیں ملک پر حکمران کے طور پر مسلط کرنے کے فیصلے کو یکسر مسترد کرتے ہیں۔
