بلاول نے وزیراعلی سندھ، اسپیکر اور ڈپٹی اسپیکر کے امیدواروں کا اعلان کردیا
کراچی: پیپلز پارٹی نے وزیراعلی سندھ، اسپیکر اور ڈپٹی اسپیکر کے لیے ناموں کا اعلان کردیا۔
بلاول بھٹو زرداری نے پیپلز پارٹی کے اجلاس سے خطاب کرتے ہوئے کہا کہ سندھ کے عوام نے نہ صرف ہمیں کامیاب کرایا بلکہ ماضی کے مقابلے میں بہتر مینڈیٹ دیا، سندھ کے عوام کی توقعات بڑھ گئی ہیں۔
انہوں نے کہا کہ وزیراعلی سندھ کے لیے مراد علی شاہ، اسپیکر کے لیے اویس شاہ اور ڈپٹی اسپیکر کے لیے نوید انتھونی کو نامزد کیا گیا ہے۔
بلاول بھٹو زرداری نے کہا کہ 2022 کے سیلاب میں لوگوں کے گھروں کے ساتھ پچاس فیصد تعلیمی ادارے تباہ ہوئے، انہیں دوبارہ بنائیں گے۔
