چین نے پاکستان کو دیے گئے 2 ارب ڈالر کے قرض کی مدت میں توسیع کے معاہدے پر رضامندی کا اظہار کرتے ہوئے پاکستان کو غیر رسمی طور پر اس فیصلے سے آگاہ کر دیا ہے۔
چین نے ابتدائی طور پر قرض پر موجودہ شرح سود میں اضافے کی درخواست کی تھی، اس وقت پاکستان قرض پر 7.1 فیصد ادا کر رہا ہے، جو کہ 6 ماہ کا ‘سیکیورڈ اوور نائٹ فنانس ریٹ’ ہے۔ پلس 1.715 فیصد فارمولے کے تحت طے کیا جاتا ہے۔
حکام نے بتایا کہ چین نے غیر رسمی طور پر قرض کے رول اوور پر رضامندی ظاہر کی ہے جبکہ وزارت خزانہ چین کی جانب سے باضابطہ جواب کا انتظار کر رہی ہے۔
جنوری میں نگراں وزیر اعظم انوار الحق کاکڑ نے چینی وزیر اعظم لی کی چیانگ کو خط لکھ کر قرض کی ادائیگی میں ایک سال کی توسیع کی درخواست کی تھی۔
چین سے ملنے والے 4 ارب ڈالر میں سے 2 ارب ڈالر کی واپسی کی مدت رواں سال 23 مارچ کو مکمل ہو رہی ہے۔
