اسلام آباد: آرمی چیف جنرل سید عاصم منیر نے کہا ہے کہ پاکستان اپنی خودمختاری پر سمجھوتہ نہیں کرے گا۔
جناح کنونشن سینٹر اسلام آباد میں تاریخی "پاکستان نیشنل یوتھ کانفرنس” سے خطاب کرتے ہوئے آرمی چیف نے کہا کہ انہیں پاکستان کے مستقبل کے معمار اور اقبال کے شاہین سے خطاب کرتے ہوئے بہت خوشی ہو رہی ہے۔ پاکستان بنانے کا مقصد یہ تھا کہ ہمارا مذہب، ثقافت اور تہذیب ہر لحاظ سے ہندوں سے مختلف ہے اور ہمیں مغربی ثقافت اور تہذیب کو نہیں اپنانا چاہیے۔
آرمی چیف نے کہا کہ نوجوانوں کو اپنے ملک، قوم، ثقافت اور تہذیب اور خود پر بے پناہ اعتماد ہونا چاہیے۔ اس قوم اور ملک کے نوجوان اقبال اور قائد کی روشن روایات، خوابوں کی تعبیر کے محافظ ہیں۔
انہوں نے کہا کہ افواج پاکستان دہشت گردوں کے خلاف لڑ سکتی ہیں تاہم دہشت گردی کے خلاف پوری قوم کا تعاون ضروری ہے، سوشل میڈیا کی خبروں کی تحقیق بہت ضروری ہے، سوشل میڈیا پر پروپیگنڈے کا مقصد بے یقینی، انتشار اور مایوسی پھیلانا ہے۔
آرمی چیف نے زور دیا کہ تحقیق اور مثبت سوچ کے بغیر معاشرہ انتشار کا شکار رہتا ہے، اللہ قرآن پاک میں فرماتا ہے؛ "اے ایمان والو! اگر کوئی فاسق تمہارے پاس کوئی خبر لے کر آئے تو اس کی تحقیق کرو۔”
انہوں نے کہا کہ پاکستان کا قیام ریاست طیبہ کی طرح ہے، دونوں کا قیام کلمہ کی بنیاد پر ہوا، اللہ تعالی نے پاکستان کو بے پناہ معدنی وسائل، زراعت اور نوجوان افرادی قوت سے نوازا ہے۔
ان کا مزید کہنا تھا کہ مسلمان مشکل وقت میں صبر اور آسانی پر اللہ کا شکر ادا کرتے ہیں، ہماری افواج ہر قسم کے خطرات اور سازشوں کے خلاف ہمہ وقت تیار ہیں۔ اپنی خودمختاری پر کوئی سمجھوتہ نہیں کریں گے، پاکستان کے روشن مستقبل پر مکمل یقین رکھتے ہیں اور اسلاف کی وراثت کو برقرار رکھیں گے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی