پاکستان تحریک انصاف (پی ٹی آئی) کے بانی عمران خان نے بیرسٹر علی ظفر کو پارٹی چیئرمین کا امیدوار نامزد کردیا۔
راولپنڈی میں میڈیا سے بات کرتے ہوئے پی ٹی آئی رہنما بیرسٹر گوہر خان نے کہا کہ عمر ایوب پی ٹی آئی کے جنرل سیکرٹری کے امیدوار ہوں گے۔
انہوں نے کہا کہ تحریک انصاف کے انٹرا پارٹی الیکشن 3 مارچ کو ہوں گے، تحریک انصاف پارلیمنٹ کا حصہ بن کر اپنا کردار ادا کرے گی۔
بعد ازاں میڈیا سے گفتگو کرتے ہوئے بیرسٹر علی طفر نے کہا کہ آج ہم نے بانی پی ٹی آئی عمران خان سے دوبارہ ملاقات کی ہے، بانی پی ٹی آئی کو افسوس ہے کہ عدالتی حکم کے باوجود رہنماؤں کو ان سے ملاقات نہیں کرنے دی گئی۔
علی ظفر نے کہا کہ رات کے اندھیرے میں عوام کا مینڈیٹ چرایا گیا، عوام کا مینڈیٹ چوری ہو جائے تو جمہوریت نہیں چل سکتی۔ عام انتخابات کی دھاندلی پوری دنیا نے دیکھی۔
علی ظفر نے کہا کہ الیکشن شفاف نہ ہوئے تو اس ملک کو کوئی قرضہ نہیں دے گا، عوام کا اعتماد نہ رکھنے والی حکومت مسائل حل کرنے میں ناکام ہوگی۔
یاد رہے کہ 14 جنوری کو سپریم کورٹ نے پشاور ہائی کورٹ کی جانب سے تحریک انصاف کو بلے کا انتخابی نشان واپس کرنے کے فیصلے کے خلاف الیکشن کمیشن کی درخواست پر فیصلہ سناتے ہوئے فیصلہ برقرار رکھا تھا۔ الیکشن کمیشن کا فیصلہ اور پشاور ہائی کورٹ کا فیصلہ کالعدم قرار دے دیا گیا، جس کے بعد پی ٹی آئی اپنا انتخابی نشان بلے سے محروم ہو گئی۔
چیف جسٹس نے کہا تھا کہ وہ اس بات سے اتفاق نہیں کرتے کہ ای سی پی کے پاس انٹرا پارٹی انتخابات کا جائزہ لینے کا کوئی اختیار نہیں، بادی النظر میں پی ٹی آئی نے شفاف انتخابات کرانے کا کوئی ثبوت نہیں دیا، آئین کے مطابق پی ٹی آئی کواراکین نکالنے کا کوئی ثبوت موجود نہیں۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی