ترک صدررجب طیب اردوان کا آصف زرداری کو فون، مبارک باددی

کراچی: ترکیہ کے صدر رجب طیب اردوان نے منصب سنبھالنے پر صدر آصف علی زرداری کو مبارک باد پیش کی ہے۔تفصیلات کے مطابق ترکیہ کے صدر رجب طیب اردگان نے صدر آصف علی زرداری کو ٹیلی فون کیا اور عہدہ سنبھالنے پر مبارک باد پیش کیا۔پاک اور ترکیہ کے صدور نے دو طرفہ اہمیت کے امور پر تبادلہ خیال کیا اور باہمی دلچسپی کے تمام شعبوں میں تعاون مزید بہتر بنانے کی ضرورت پر زور دیا۔
صدر آصف علی زرداری نے ترکیہ کے صدر کے ٹیلیفون، نیک تمناں پر ان کا شکریہ ادا کیا اور ترک عوام کو رمضان المبارک کی مبارک باد بھی دی۔
صدر مملکت نے جلد ہی رجب طیب اردوان کو پاکستان مدعو کرنے کی خواہش کا اظہار بھی کیا۔