نیشنز ہائی کپ’ دلچسپ مقابلے کے بعد ملائیشیا اور پاکستان کا میچ برابر

نیشنز ہاکی کپ میں پاکستان اور ملائیشیا کے درمیان میچ چار چار گول سے برابر ہوگیا، میچ کے آخری منٹ میں پاکستان کو پنالٹی اسٹروک ملا جس پر ابوبکر نے گول کرکے مقابلہ برابر کیا۔
ایف آئی ایچ نیشنز کپ پولینڈ میں شروع ہوگیا ہے، پہلا میچ پاکستان اور ملائیشیا کے درمیان کھیلا گیا۔ملائیشیا نے میچ شروع ہوتے ہی پہلے 11 منٹ میں 3 گول داغ دیے۔
میچ کے چوتھے منٹ میں ملائیشیا کو پاکستان کے خلاف پنالٹی اسٹروک ملا جس کو ساری فطری نے گول میں تبدیل کردیا،2 منٹ بعد ہی ابو کمل نے گول کرکے برتری دگنی کردی جبکہ 3 منٹ بعد فاضیل ساری نے پنالٹی کارنر پر گول کرکے ٹیم کو تین صفر کی برتری دلا دی۔ پہلا کوارٹر ملائیشیا کی تین صفر کی برتری کے ساتھ ختم ہوا۔
دوسرے کوارٹر میں پاکستان کے عبد الرحمن نے گول کرکے ایک گول کا خسارہ کم کیا لیکن 10 منٹ بعد 42 ویں منٹ میں ساری فطری نے مزید ایک گول کرکے مقابلہ چار ایک کردیا۔
دوسرے ہی منٹ میں محمد سفیان نے پنالٹی کارنر پر گول کرکے مقابلہ چار دو کردیا۔
تیسرے کوارٹر میں شاہد حنان نے خوبصورت گول کرکے میچ کو دلچسپ بنادیا ،پاکستان کو مقابلہ برابر کرنے کیلئے صرف ایک گول کی ضرورت تھی جس کیلئے قومی ٹیم نے بھرپور کوشش کی اور میچ کے آخری منٹ میں پاکستان کو پنالٹی اسٹروک مل گیا جس پر ابوبکر نے گول کرکے مقابلہ برابر کر دیا۔