اپنی چھت، اپنا گھر: پنجاب حکومت 5 مرلے تک کے پلاٹ پر گھر بنانے والوں کو بلا سود قرض دے گی

لاہور: پنجاب میں اپنی چھت اپنا گھر پروگرام 14 اگست کو لانچ کیا جائے گا، اپنی چھت اپنا گھر پروگرام کے تحت تین ماڈل کی اصولی منظوری دے دی گئی۔
وزیراعلی مریم نوازشریف کی زیر صدارت اجلاس منعقد ہوا جس میں اپنی چھت اپنا گھر پروگرام کے تین ماڈل کی اصولی منظوری اور پروگرام کے بارے میں تفصیلی بریفنگ دی گئی۔
اپنی چھت اپنا گھر پروگرام کے پائلٹ پروگرام کے طور پر ماڈل گھر تیار کیے گئے ہیں۔ وزیراعلی مریم نوازشریف نے ماڈل گھروں کے نقشے میں لیونگ روم بھی شامل کرنے کی ہدایت کی۔ وزیر اعلی نے عوام کی سہولت کے لیے ٹال فری نمبر متعارف کروانے کا حکم دیا۔
مریم نواز کی ہدایت پر پی آئی ٹی بی اپنی چھت اپنا گھر پروگرام کے لیے خصوصی پورٹل تیار کرے گا۔ اپنی چھت اپنا گھر پروگرام کے خواہش مند گھر بیٹھے آن لائن درخواست جمع کراسکیں گے۔
ایک تا پانچ مرلہ تک پلاٹ مالکان گھر بنانے کے لیے بلاسود قرضہ حاصل کر سکیں گے۔ وزیر اعلی مریم نواز کی ہدایت پر گھر کے مالکان کو آسان قسط پر قرضہ ادا کرنے کی سہولت ملے گی۔
بریفنگ میں بتایا گیا کہ سرکاری زمین پر گرانڈ اور تین منزلہ اپارٹمنٹ کے پروگرام کا پی سی ون منظور،فزیبلٹی سٹڈی جلد ہوگی۔ پرائیویٹ اسکیموں میں تین اور پانچ مرلہ کے گھر پھاٹا کے الاٹیز کو ملیں گے۔ پھاٹا کے الاٹی پرائیویٹ اسکیم میں گھر لینے پر پانچ سال میں گھر کی اقساط ادا کریں گے۔
بریفنگ میں مزید بتایا گیا کہ حکومت پنجاب پرائیویٹ اسکیم میں گھر کی لاگت کا بوجھ کم کرنے کے لیے سبسڈی دے گی۔ کسی بھی شہر یا گاؤں میں 70ہزار پلاٹ مالکان قرض لے سکیں گے۔ پانچ مرلہ تک پلاٹ کے مالک کو گھر بنانے کے لیے بلا سود قرض ملے گا۔ مائیکروفنانس اداروں کے ذریعے قرض کی ادائیگی پر سروس چارجز پر حکومت پنجاب ادا کرے گی۔ اجلاس میں سینیٹر پرویز رشید، سینئر صوبائی وزیر مریم اورنگزیب بھی موجود تھے۔