کارساز پہلا نہیں دوسرا حادثہ ہوا، ملزمہ نے بھاگنے کی کوشش میں موٹرسائیکل سوار افرادکوہٹ کیا:پولیس

کراچی (مانیٹرنگ ڈیسک) کراچی میں کارساز پر تین روز پہلے اپنی گاڑی کی ٹکر سے باپ اور بیٹی کو ہلاک کرنے والی ملزمہ نتاشا نے واقعے سے کچھ دیر قبل ایک سفید گاڑی کو بھی ٹکر ماری۔کارساز حادثے کی نئی ویڈیو سامنے آگئی جس میں دیکھا جا سکتا ہے کہ ملزمہ نتاشا نے واقعے سے کچھ دیر پہلے ایک سفید گاڑی کو بھی ٹکر ماری۔ملزمہ نے گاڑی کے پیچھے آنے والے موٹر سائیکل سوار دو افراد کو بھی ہِٹ کیا۔نئی وڈیو میں دیکھا جاسکتا ہے کہ ٹکر سے سفید گاڑی کے عقبی دروازے کو نقصان پہنچا، موٹر سائیکل سوار افراد بھی گر گئے۔خاتون نے فرار ہونے کی کوشش میں تھوڑا آگے جا کر موٹر سائیکل سوار باپ بیٹی کو ٹکر ماری جس سے دونوں جاں بحق اور ایک شخص زخمی ہوا۔ پولیس ذرائع کا کہنا ہے کہ خاتون پہلے واقعے کی وجہ سے وہاں سے فرار ہوتے ہوئے تیز گاڑی چلا رہی تھی اور اسی تیز رفتاری کی وجہ سے دوسرا حادثہ ہوا۔