انکم ٹیکس گوشوارے جمع کرانیکی تاریخ میں توسیع کا امکان

اسلام آباد(نیوزڈیسک) ایف بی آر ذرائع کے مطابق انکم ٹیکس گوشوارے جمع کرانیکی تاریخ میں توسیع کا امکان ہے۔ذرائع کے مطابق ایف بی آر کی جانب سے انکم ٹیکس گوشوارے جمع کرانیکی تاریخ میں توسیع پر غور کیا جارہا ہے۔ ذرائع کا کہنا ہیکہ وزیراعظم کی وطن واپسی پر تاریخ میں توسیع پرغورہوسکتا ہے۔ایف بی آر ذرائع نے بتایا ہے کہ وزیر اعظم کو تاریخ میں توسیع کی سفارش کی جائیگی۔ ایف بی آر ذرائع کے مطابق انکم ٹیکس گوشوارے جمع کرانے کے دوران سسٹم پر بہت بوجھ ہے۔ 28ستمبر تک 29 لاکھ گوشوارے جمع ہوچکے ہیں۔ گزشتہ سال 28 ستمبر تک 14 لاکھ گوشوارے جمع ہوئے تھے۔دوسری جانب ایف بی آر ذرائع کا کہنا ہیکہ ویب سائٹ کے تکنیکی مسائل کے ازالے کے لیے مناسب وقت دیا جائیگا، یقینی بنائیں گیکہ کوئی شہری ٹیکس ریٹرن جمع کرانے سے محروم نہ رہے۔واضح رہے کہ ایف بی آر نے ٹیکس گوشوارے جمع کرانیکے لیے 30ستمبر تک کا وقت دیا ہوا ہے جس میں توسیع نہیں کی جائے گی۔دوسری جانب وفاق ایوان ہائے صنعت و تجارت اور کراچی چیمبر آف کامرس اینڈ انڈسٹری نے انکم ٹیکس گوشوارے جمع کرانے میں مشکلات پر اظہارِ تشویش کرتے ہوئے ٹیکس ریٹرن جمع کرانے کی تاریخ میں ایک ماہ کے اضافے کا مطالبہ کیا ہے۔