انگریزی بولتی ہوں تو لوگ کہتے ہیں کہ پریانکا چوپڑا بننے کی کوشش کررہی ہے، اشناشاہ

معروف اداکارہ اشناشاہ نے شکوہ کیا ہے کہ وہ جب بھی کینیڈین انداز میں بولتی ہیں تو لوگ انہیں طعنےدیتے ہیں کہ وہ بھارتی اداکارہ پریانکا چوپڑا بننے کی کو شش کر رہی ہیں۔ حال ہی میں دئیے انٹرویو کی ویڈیو میں اشناشاہ نے بتایا کہ چوں کہ وہ کینیڈا میں پلی بڑھی ہیں اس لئے ان کی انگریزی بولنے میں وہاں کا انداز زیادہ ہوتا ہے۔
ان کا کہنا تھا کہ انہوں نے اپنا انداز اور لہجہ بہتر کیا ہے پہلے ان کے بولنے کے انداز میں کینیڈین اسٹائل زیادہ ہوتا تھا ۔ان کے مطابق انہوں نے پریانکا چوپڑا کو اتنا زیادہ بولتے ہوئے نہیں دیکھااس لئے انہیں اس بات کا احساس نہیں کہ وہ کس طرح بولتی ہیں لیکن انہیں طعنے دیئے جاتے ہیں کہ وہ بھارتی اداکارہ بننے کی کوشش کررہی ہیں
اداکارہ کو سوشل میڈیا صارفین نے مشورہ دیا ہے کہ وہ انگریزی کی بجائے ہر وقت اردو میں بات کیا کریں