سینیٹ میں فوج کے خلاف منفی پروپیگنڈہ پر سخت سزا کی قرار داد منظور

سینیٹ نے پاک فوج اور سیکیورٹی فورسز کے خلاف منفی اور بدنیتی پر مبنی پروپیگنڈہ کرنے والوں کو سخت سزا دینے کی قرار ادا متفقہ طور پر منظور کرلی۔
سینیٹ کا اجلاس چیئرمین سینیٹ کی زیر صدارت منعقدہ ہوا جس میں متعدد بلز پیش کئے ‘ پیپلز پارٹی کے سینیٹر بہرہ مندتنگی نے افواج پاکستان کے حق میں ایک قرار ادا پیش کی جسے اتفاق رائے سے منظور کرلیا گیا۔
قرا رداد میں کہا گیاہے کہ دہشت گردی کے خلاف جنگ اور ملکی سرحدوں کے تحفظ و دفاع میں مسلح افواج اور دفاعی ایجنسیوں نے بے پناہ قربانیاں دیں’ فوج اور سیکیورٹی فورسز کے خلاف منفی اور بدنیتی پر مبنی پروپیگنڈہ کرنے والوں کو سخت سزا دی جائے۔
قرار داد میں کہا گیا کہ دشمن ہمسائیوں کے ہوتے ہوئے مضبوط فوج اور سیکیورٹی ایجنسی ناگزیر ہے’ سوشل میڈیا پلیٹ فارم پر پاک فوج کے خلاف بدنیتی پر پروپیگنڈہ کیا جا رہا ہے’ سینیٹ کا ایوان حکومت سے مطالبہ کرتا ہے کہ فوج کے خلاف منفی پروپیگنڈہ کرنے والوں کو سخت سزا دی جائے۔