خاندانوں کی حکمرانی اور باریوں کے راستے بند ‘عوام بیدار ہوچکے’ سراج الحق

تیمرگرہ: امیر جماعت اسلامی سراج الحق نے کہا ہے کہ خاندانوں کی حکمرانی اور باریوں کے راستے بند اور عوام بیدار ہوچکے ہیں۔ تیمرگرہ میں جلسے سے خطاب کرتے ہوئے سراج الحق نے کہا کہ الیکشن التواء سے متعلق سینیٹ قرار دادوں کی کوئی اہمیت نہیں’ ان قرار دادوں سے ایوان کا وقار مجروح ہوا۔
امیر جماعت اسلامی کا کہنا تھا کہ استحکام اور امن کا راستہ پولنگ اسٹیشن سے ہوکر گزرتا ہے۔
سراج الحق نے کہا کہ خاندانوں پر مشتمل سیاسی جماعتیں اسٹیٹس کو برقرار رکھنا چاہتی ہیں’ اشرافیہ کو عوام کی حکمرانی ڈراؤنے خوا ب کی طرح لگتی ہے مگر خاندانوں کی حکمرانی اور باریوں کے راستے بند اور عوام بیدار ہوچکے ہیں۔
امیر جماعت اسلامی نے کہا کہ ان کی پارٹی اقتدار میں آکر مہنگائی کا خاتمہ کرے گی اور سود پر پابندی لگا کر معیشت سنوارے گی۔