پہلی بار ایسا ہو رہا ہے وزیراعظم پہلے چن لیاگیا الیکشن بعد میں ہوں گے’ اعجاز الحق

بہاولنگر: مسلم لیگ ضیاء کے سربراہ اعجاز الحق نے کہا کہ پہلی بار ایسا ہو رہا ہے کہ وزیراعظم پہلے چن لیاگیا ہے الیکشن بعدمیں ہوں گے۔
مسلم لیگ ضیاء کے سربراہ اعجاز الحق اور جمعیت علماء اسلام نظریاتی کے سربراہ اجمل قادری نے مشترکہ پریس کانفرنس کی ‘اعجاز الحق نے کہا کہ قومی یکجہتی کے نام سے ایک اتحاد قائم کیا گیا ہے ‘اٹک سے لیکر رحیم یار خان تک ہمارے حمایت یافتہ امیدوار انتخاب میں حصہ لے رہے ہیں۔
اعجاز الحق نے مزید کہا کہ ایک پارٹی کے لیڈر کو مکمل حکومتی پروٹو کول دیا جا رہا ہے’ تمام سیاسی پارٹیوں کو یکساں لیول پلیئنگ فیلڈ ملنا چاہیے’ نواز شریف اور زرداری ایک ہی سکے کے دو رخ ہیں’ عوام کو دھوکہ دیا جا رہا ہے ‘ نظرآ رہا ہے کہ آنے والی حکومت پی ڈی ایم کا سیکنڈ پارٹ ہوگا۔ سربراہ مسلم لیگ ضیاء نے مزید کہا کہ محب وطن جماعتوں کا ایک قومی یکجتی اتحاد ملک بھرمیں طاقت کے طور پر سامنے آئے گا۔