اقتدار میں آکر کرپٹ عناصر کو عبرت کا نشان بنائیں گے، سراج الحق

فورٹ عباس: امیر جماعت اسلامی سراج الحق نے کہا کہ اقتدار میں آکر کرپٹ عناصر کو چوکوں اور چوراہوں میں عبرت کا نشان بنائیں گے۔
امیر جماعت اسلامی سراج الحق نے کہا کہ میں کلین گرین اور کرپشن فری پاکستان کی بات کروں گا، آپ کا پاسپورٹ پوری دنیا میں اہمیت کا حامل ہونا چاہیے، میں خوشحال پاکستان کی بات کروں گا۔
سراج الحق نے کہا کہ ہم خلافت کا نظام قائم کریں گے، ہم انگریزوں کے مسلط کردہ نظام کو بدلیں گے، ہم قرآن پاک کا نظام قائم کریں گے، ہم قرآن کے مطابق عدل و انصاف کا نظام قائم کریں گے، جو فیصلے کرے گا۔ قرآن کے مطابق.ایسا نہ کیا تو نظام بدل دیں گے، جماعت اسلامی چاہتی ہے کہ جج کے ہاتھ میں قرآن ہو۔
امیر جماعت اسلامی کا مزید کہنا تھا کہ قرآن کا نظام نافذ ہوگا تو کمزور اور غریب طاقتور ہوگا۔ جرنیلوں نے 35 سال حکومت کی، دوسری پارٹیوں نے 35 سال حکومت کی لیکن برطانوی نظام قائم رہا۔ 8 فروری کے بعد پاکستان کا معاشی نظام بدل دیں گے۔ اس معاشی نظام میں 2% لوگ خوش ہیں، 98% لوگ اس معاشی نظام میں تکلیف میں ہیں۔سراج الحق نے کہا کہ ہمارا آدھا بجٹ قرضوں کی طرف جاتا ہے۔