افغانستان میں ٹی ٹی پی کے دہشت گردوں کی پناہ گاہوں کی موجودگی کے مزید شواہد سامنے آگئے

اسلام آباد: ٹی ٹی پی کے دہشت گردوں کی کنڑ میں ایک مدرسے کی افتتاحی تقریب میں شرکت کے بعد افغانستان میں دہشت گردوں کی پناہ گاہوں اور تربیتی مراکز کی موجودگی کے مزید شواہد سامنے آئے ہیں۔
یہ تقریب کنڑ کے مدارس، مدرس الحجرا والجہاد اور جامعہ منبہ الاسلام میں منعقد ہوئی، جب کہ اس تقریب میں دہشت گرد عظمت لالہ اور مولوی فقیر کی موجودگی بھی دیکھی گئی۔
تقریب میں کئی افغان رہنماں نے بھی شرکت کی۔افغان طالبان کے ترجمان کے مطابق افغانستان میں ٹی ٹی پی کے کوئی ٹھکانے نہیں ہیں جب کہ یہ واقعہ تحریک طالبان پاکستان کی افغانستان میں موجودگی کا واضح ثبوت ہے۔
ٹی ٹی پی افغان سرزمین کو پاکستان کے خلاف استعمال کرتی ہے جس سے افغان حکومت اچھی طرح واقف ہے۔افغان عبوری حکومت دہشت گردوں کے خلاف بھرپور کارروائی کرے اور خطے کو دہشت گردی سے نجات دلائے۔ افغان سرزمین سے ٹی ٹی پی کی پاکستان کے خلاف دہشت گردی کی کارروائیوں کی بڑی وجہ افغان طالبان کی طرف سے ٹی ٹی پی کو محفوظ پناہ گاہوں کی فراہمی ہے۔