مانسہرہ:مسلم لیگ (ن) کے قائد اور سابق وزیراعظم میاں محمد نواز شریف نے کہا ہے کہ میں وزیراعظم بننے نہیں الیکشن لڑنے آیا ہوں۔
مانسہرہ میں جلسے سے خطاب کرتے ہوئے انہوں نے کہا کہ میں 2013 کے بعد آج مانسہرہ آیا ہوں، یہاں کچھ نہیں بدلا۔انہوں نے شرکا جلسہ سے استفسار کیا کہ کیا آپ میرے بغیر اداس تھے؟ میں تم سے زیادہ اداس تھا، ان لوگوں نے مجھے تم سے چھین لیا، میں تمہیں دیکھ کر بہت خوش ہوں۔ملک کے حالات دیکھ کر خوش نہیں ہوں
نواز شریف نے کہا کہ عوام کا جوش و خروش دیکھ کر کسی کو بولنے کی ہمت نہیں ہوگی، میں وزیراعظم بننے نہیں آیا، الیکشن لڑنے آیا ہوں، ملکی حالات دیکھ کر خوش نہیں ہوں۔
سابق وزیراعظم نے کہا کہ خیبرپختونخوا میں 10 سال حکومت کرنے والوں نے کیا کیا؟ کیا انہوں نے خیبرپختونخوا نیا پاکستان بنایا؟ جو کہتے ہیں کہ نواز شریف نے خیبرپختونخوا میں کیا کیا ہے وہ موٹروے پر جا کر دیکھیں۔
انہوں نے کہا کہ خیبرپختونخوا کو بہترین صوبہ بنانے میں کوئی کسر نہیں چھوڑیں گے۔
میاں نواز شریف نے حکومت ملنے پر مانسہرہ ایئرپورٹ بنانے کا وعدہ کیا۔
سابق وزیراعظم نے کہا کہ اگر مجھے نہ نکالا جاتا تو آج مانسہرہ میں ایئرپورٹ اور میٹروبس ہوتی، اگر میری حکومت ہوتی تو مانسہرہ میں کوئی نوجوان بے روزگار نہ ہوتا، موٹروے ہم نے بنائی اور جب تیار ہوئی میں جیل میں تھا۔
کراچی تک موٹر وے بنانے کا منصوبہ تھا لیکن سکھر تک رک گیا۔انہوں نے کہا کہ ہمارے دور میں مہنگائی نہیں تھی، ان ظالموں نے ملک کو برباد کر دیا ہے۔
نواز شریف نے خطاب کرتے ہوئے کہا کہ مولانا فضل الرحمان نے کہا کہ ہم اور آپ مل کر خیبرپختونخوا میں حکومت بنائیں، میں نے کہا کہ ان کے پاس عددی اکثریت ہم سے زیادہ ہے، اس لیے ان کا حق ہے۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش