راولپنڈی: پی ٹی آئی کے بانی عمران خان نے کہا ہے کہ 9مئی کے واقعات کی وفاقی حکومت کی نگرانی میں تحقیقات کو نہیں مانتے، 8 فروری کو عوام کا غصہ سامنے آئے گا۔
راولپنڈی کی اڈیالہ جیل میں عدالت میں صحافیوں سے غیر رسمی گفتگو میں پی ٹی آئی کے بانی عمران خان کا کہنا تھا کہ 9 مئی کے واقعات کی نگران وفاقی حکومت کی نگرانی میں تحقیقات کو قبول نہیں، 9 مئی سے متعلق کوئی آزادانہ انکوائری نہیں ہوئی۔
.نومائی کے حوالے سے بات کرتے ہوئے بانی پی ٹی آئی کا کہنا تھا کہ نگران حکومت اور اسٹیبلشمنٹ اور الیکشن کمیشن اس وقت تک ساتھ ہیں جب تک جی ایچ کیو، جناح ہاس اور دیگر سہولیات کی سی سی ٹی وی فوٹیج چوری کرنے والے نہیں پکڑے جاتے۔ حقائق سامنے نہیں آسکتے، جس نے بھی آگ لگائی اسے گرفتار کیا جائے لیکن پہلے آزادانہ تحقیقات ہونی چاہئیں۔
عمران خان نے کہا کہ انہوں نے کور کمانڈر ہاس لاہور، جی ایچ کیو اور اسلام آباد ہائی کورٹ کی سی سی ٹی وی فوٹیجز غائب کر دی ہیں۔ ہمارے پاس ایسی ویڈیوز ہیں جن میں یاسمین راشد کارکنوں کو کور کمانڈر ہاس کی طرف نہ جانے کی تلقین کر رہی ہیں۔
عمران خان کا مزید کہنا تھا کہ 80 فیصد فوج پی ٹی آئی کے ساتھ ہے، یہ جو مرضی کرلیں ‘ انتخابی نشان لے لیں’پی ٹی آئی کو ہرا نہیں سکتے ، ایسی پری پول دھاندلی تاریخ میں کبھی نہیں ہوئی، انہوں نے 8 فروری کو بھی دھاندلی کرنی ہے ۔دھاندلی کے باوجود ضمنی الیکشن ہارنے پر یہ پی ٹی آئی کو میدان نہیں دے رہے۔ انہوں نے کہا کہ میرا ہاتھ عوام کی نبض پر ہے، 8 فروری کو عوام کا غصہ نکلے گا۔
ایک سوال کے جواب میں پی ٹی آئی کے بانی نے کہا کہ میرے پاس صرف ایک ڈیل ہے اور وہ ہے شفاف انتخابات کرانا اور جمہوریت لانا۔ میں نے پوسٹل بیلٹ کے لیے درخواست دی ہے۔پی ٹی آئی کے بانی نے کہا کہ سنا ہے دفعہ 144 کا نفاذ کر دیا ہے، اتوار کو انتخابی مہم شروع کرنے کے میرے بیان کے بعد دفعہ 144 کا نفاذ کیا گیا، دفعہ 144 صرف پی ٹی آئی کے لیے لگائی گئی۔ اب دیکھنا پی ٹی آئی کو جلسوں اور ریلیوں کی اجازت نہیں ملے گی، نواز شریف کی جانب سے دفعہ 144 لگائی گئی ہوگی۔
نواز شریف کے جلسوں میں کوئی نہیں آ رہا، ان کے جلسوں میں پی ٹی آئی کے نعرے سنائی دے رہے ہیں، نواز شریف خود گھر بیٹھے کہہ رہے ہیں کہ مجھے سلیکٹ کر رہے ہیں، کسی مہم کی ضرورت نہیں۔
عمران خان نے امیدواروں کو پیغام دیتے ہوئے کہا کہ سب تیار رہیں، جس کو پکڑیں گے ہم اس کی جگہ کسی اور کو لے آئیں گے، وہ عوام سے ڈرتے ہیں، ہمارے امیدواروں کو میری تصویر لگانے کی اجازت نہیں دی جائے گی۔ تاہم امیدواروں کو قیدی نمبر 804 لکھنے کی بھی اجازت نہیں ہے۔
جو لوگ ہماری پارٹی میں نہیں ہیں ان کو وہماری تصویر لگانے کا کہہ رہے ہیں’تحریک انصاف کے ساتھ وہ کچھ ہو رہا ہے جو تاریخ میں کسی سیاسی جماعت کے ساتھ نہیں ہوا۔
پی ٹی آئی کے بانی کا کہنا تھا کہ ووٹ کا حق استعمال کرنے کے لیے جیل سے پوسٹل بیلٹ کے لیے درخواست دی ہے، کسی سے کوئی ڈیل نہیں، ڈیل صرف ملک میں صاف اور شفاف انتخابات کرانا ہے۔
شیخ رشید سے ملاقات کے سوال پر عمران خان نے کہا کہ شیخ رشید سے جیل میں کوئی ملاقات نہیں ہوئی، مجھے نظر بند کر رکھا ہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی