ڈنڈا ہر مسئلے کا حل نہیں، یوٹیوب اور انٹرنیٹ بلاک کرنے سے مسئلہ حل نہیں ہوگا، صدر مملکت

کراچی: صدر مملکت عارف علوی نے کہا ہے کہ ڈنڈا ہر مسئلے کا حل نہیں، یوٹیوب اور انٹرنیٹ بلاک کرنے سے مسئلہ حل نہیں ہوگا۔
جامعہ کراچی میں کانووکیشن کی تقریب سے خطاب کرتے ہوئے صدر مملکت عارف علوی کا کہنا تھا کہ علم کا حصول دنیا کے مسائل کے حل کا واحد ذریعہ نہیں، پڑھے لکھے لوگوں نے دنیا میں کئی مظالم کیے، تعلیم کی بنیاد تربیت نہیں ہے۔
صدر مملکت نے کہا کہ سائنس اور ٹیکنالوجی عروج پر ہے اور انسانیت زوال پر ہے، جب یہودیوں کو مارا گیا اس پر بات کی جاتی ہے’آج غزہ میں جو کچھ ہو رہا ہے اس پر پردہ ڈالا جاتا ہے، یہ سب تعلیم یافتہ قومیں کر رہی ہیں۔
صدر مملکت عارف علوی نے کہا کہ میں کہتا ہوں کچھ، ٹی وی پر کچھ اور چل رہا ہے، ہوتا کچھ اور پیغام کچھ اور جاتا ہے، ہم نے ہمیشہ ٹیکنالوجی اور نئی ایجادات کی مخالفت کی ہے، آج بھی انٹرنیٹ اور یوٹیوب بند کر دیا جاتا ہے، یوٹیوب اور انٹرنیٹ بند کرنے سے نہیں چلے گا۔
ان کا مزید کہنا تھا کہ ڈنڈا ہر مسئلے کا حل نہیں، ڈنڈاسے معاملہ حل نہیں ہوگا، قانون قرآن و سنت سے بنتا ہے، قاضیکا کام قانون پر عمل کرانا ہے’یہ قرآن میں ہے۔ کہ دشمنی میں بھی انصاف کا دامن ہاتھ سے نہ چھوڑا جائے۔